ቴክኖ ቅምሻ – ኤሌማይንድ ኒውሮቴክ የጭንቅላት ባንድ

ቁልፍ በመጫን እንቅልፍዎን መቆጣጠር እችላለሁ ብለው አስበው ያውቃሉ? በኤሌሚንድ ኒውሮቴክ የተባለው የጭንቅላት ባንድ ይህን ማድረግ ተችሏል። የኤሌማይንድ ኒውሮቴክ የራስ ባንድ በቀጥታ ከአንጎል ሞገድ በሚያነበው ድምፅ እንቅልፍ እንድንተኛ ይረዳናል፡፡

በ2021 ዋንግ፣ ግሮስማን፣ ቦይደንና ተባባሪዎቻቸው ከራስ ቅል ውጭ ያለውን የኤሌክትሪክ ኃይል በመጠቀም ሲንድሮም መግታት እንደሚችሉ የሚያሳይ ጽሑፍ አሳትመው ነበር። ይሁንና ከጊዜ በኃላ እነዚህ መሣሪያዎች በአንጎላችን ውስጥ የሚፈጠሩትን አልፋ የሚረበሹ ነገሮች ለመግታት የሚያስችል መሣሪያ አዳበሩ።

ኤሌማይንድ የጭንቅላት ባንድ የአንጎል ሞገዶችን ለማንበብ የምልክት አሠራር አልጎሪዝምችንና ሰው ሰራሽ አስተውሎት (ኤ አይ) ይጠቀማል። እነዚህ መሣሪያዎች ከንቃት ስሜት ጋር ተያይዘው የሚመጡ የአንጎል ምልክቶችን ለይተው የሚያውቁ ከመሆኑም በላይ ከፍተኛ ፍጥነት ያላቸው ሞገዶችን ይበልጥ ለማረጋጋት የሚያስችል የድምጽ ማነቃቂያ በመስጠት ምላሽ ይሰጣሉ።

የኤሌማይንድ ቡድን የኤሌክትሮኒክ መሣሪያቸው የጎንዮሽ ጉዳት እና ሱስ ሊያስከትሉ ከሚችሉ የእንቅልፍ ኪኒኖች ብዙ ጥቅሞች እንዳለው ይናገራሉ። እንቅልፍ በማጣት ይቸገሩ በነበሩ ሰዎች ላይ በተደረገ ጥናት ለመተኛት 30 ደቂቃ ይወስድባቸው የነበሩ ሰዎች በኤሌክትሮኒክ መሣሪያው እንቅልፍ ለመተኛት የወሰደው ጊዜ ከ10 እስከ 15 ደቂቃ ቀንሶታል ተብሏል።

የኤሌማይንድ ዋና ሥራ አስኪያጅ ፔሪ ያለጎንዮሽ ጉዳት ጥሩ እንቅልፍ ለማግኘት ለሚፈልጉ ሰዎች ኬሚካላዊ ያልሆነ አማራጭ ለመፍጠር ፈለግን። በዚህም ያለ ምንም የጎንዮሽ ጉዳት የተፈጥሮ እንቅልፍ የሚያስገኛቸውን ጥቅሞች በሙሉ ከኤሌማይንድ ኒውሮቴክ የጭንቅላት ባንድ ማግኘት ይቻላል ይላሉ።

በተለይ የእንቅልፍ መድሃኒት መውሰድ የማይፈልጉ እና ጡት የሚያጠቡ እናቶች ኤሌማይንድ የጭንቅላት ባንድ መጠቀም እንደሚችሉም ገልጸዋል፡፡

የኤሌማይንድ ኒውሮቴክ የተባለው የጭንቅላት ባንድ አሁን ላይ የወጣለት ዋጋ 349 የአሜሪካ ዶላር ነው መባሉን ሴክ ቴክ ዴይሊ ዘግቧል፡፡