የህዝብ ተወካዮች ምክር ቤት በዛሬው ዕለት ባደረገው ውይይት ከዚህ ቀደም በምክርቤቱ በሽብርተኝነት ተሰይመው የነበሩትን ኦነግ፣ ኦብነግና ግንቦት 7 ከሽብርተኝነት ዝርዝር ውስጥ እንዲሠረዙ አድርጓል ።
በፀረ-ሽብር አዋጅ ቁጥር 652/2001 መሠረት በሽብርተኝነት የመሰየም ሥልጣን የተሠጠው ምክር ቤቱ ፤ በ2003 ዓም በሽብርተኝነት ዝርዝር ውስጥ እንዲገቡ ውሳኔ ተላልፈባቸው የነበሩት የኦሮሞ ነፃ አውጪ ግንባር (ኦነግ)፣ የኦጋዴን ብሄራዊ ነፃ አውጪ ግንባር (ኦብነግ) እና ግንቦት ሰባት የፖለቲካ ድርጅቶች ከዝርዝሩ ተሰርዘዋል ።
ከቅርብ ጊዜ ወዲህ ሦስቱም ድርጅቶች በሰላማዊና ህጋዊ መንገድ እንቅሳቀሳለን በማለታቸውና የኢፌዴሪ መንግሥት ይህን ያመነበት በመሆኑ ምክር ቤቱ ከሽብርተኝነት ዝርዝሩ እንዲሠረዙ አድርጓል ።
መንግሥት ለሰብዓዊ መብቶች መከበርና ለዴሞክራሲያዊ ሥርዓት መጎልበት ካለው ትልቅ ፋይዳ የተነሳ ድርጅቶቹ ከሽብርተኝነት ስያሜ እንዲሻሩ ተደርጓል ተብሏል በውይይቱ ።