ኮንጎዊው ህገ ወጥ የማዕድን ዘርፍና የዱር አራዊቶችን በመታደግ ሽልማት አገኘ

የዴሞክራቲክ ሪፐብሊክ ኮንጎ ዜግነት ያለው ሮድሪጎ ካቴምቦ ህገ ወጥ  የማዕድን ዘርፉንና  የዱር አራዊቶችን ለመታደግ  ባደረገው ጥረት የጎልድ ማን  የክብር ተሸላሚ ሆኗል ።

በኮንጎ በወጣትነት እድሜው አገሩን በወታደርነት እያገለገለ የሚገኘው ሮድሪጎ ካቴምቦ  በአገሩ  ህገ ወጥ  የማዕድን ዘረፋን በመከላከልና ብርቅዬ የዱር አራዊቶችን ህይወት  ለመታደግ  ባደረገው ተጋድሎነው የጎልድ ማን ሽልማት አሸናፊ የሆነው ።

የጎልድ ማን ሽልማት  በየዓመቱ  በዓለም  ደረጃ  አካባቢ ድህንነት መጠበቅ ትግል በማድረግ ህይወታቸውን  ለአደጋ ለሚያጋልጡ ሰዎች  የሚሠጥ ነው ።

ካቴምቦ  ህገወጥ የማዕድን እንቅስቃሴን ለመከላከልና የዱር አራዊቶችን  ህይወት ለመታደግ ባደረገው  በጎ ተግባር  በተለያዩ ጊዜያት ለእስርና ለአሰቃቂ ግርፋት  ተዳርጓል።

በተለይ  በዴሞክራቲክ  ሪፐብሊክ ኮንጎ በሚገኘው  ቬሩንጋ ብሔራዊ ፓርክን ለጉዳት ለመታደግ   ያካሄደው ተግባር  ለሽልማቱ   እጩ እንዲሆን  አስችሎታል  ።

 የቬሩንጋ  ብሔራዊ ፓርክ በዓለማችን አንድ አራተኛ  የሚሆኑ  በመጥፋት ላይ  የሚገኙ የዝንጀሮ  ዝርያዎች   የሚገኙበት  መሆኑ  ይታወቃል ።