አዲስ ኢንተርናሽናል ባንክ ለኅዳሴ ግድብ ከ1.5 ሚሊየን ብር በላይ ድጋፍ አደረገ

ባንኩ ማኅበራዊ ኃላፊነቱን በመወጣት የራሱን አስተዋፅኦ እያበረከተ እንደሚገኝ የተገለፀ ሲሆን ደንበኞች ከውጭ ሀገር የሚላክላቸውን ገንዘብ በባንኩ እንዲመንዝሩ በማድረግ የተገኘውን ገቢ ለኅዳሴ ግድብ እንዲውል ማደረጉ ተገልጿል።

የታላቁ ሕዳሴ ግድብ ግንባታ ሕዝባዊ ተሳትፎ አስተባባሪ ብሔራዊ ምክር ቤት ጽሕፈት ቤት ዋና ዳይሬክተር አረጋዊ በርሔ (ዶ/ር) ድጋፉ የኅዳሴ ግድብ ግንባታ በታቀደለት ጊዜ እንዲጠናቀቅ እንደሚያደርግ አውስተዋል።

የኢትዮጵያ ሕዝብ ታሪክ እየሰራ ይገኛል ያሉት ዋና ዳይሬክተሩ ግድቡን ገድበን በሥራ ላይ ለማዋል መተባበር አስፈላጊ መሆኑን ገልፀዋል።

በዙፋን አምባቸው