በቤትኪንግ የኢትዮጵያ ፕሪሚየር ሊግ 9ኛ ሳምንት ዛሬ 9፡00 ላይ በተደረገው ጨዋታ ኢትዮጵያ ቡና ከባህር ዳር ከተማ ጋር ሁለት አቻ ተለያይተዋል፡፡
በጨዋታው የባህርዳር ከተማን ጎሎች ፍፁም አለሙ እና ምንይሉ ወንድሙ ሲያስቆጥሩ በኢትዮጵያ ቡና በኩል ደግሞ ሚኪያስ መኮንን እና አቡበከር ናስር ጎል አስመዝግበዋል፡፡
ውጤቱን ተከትሎ ኢትዮጵያ ቡና ነጥቡን 17 በማድረስ ወደ 3ኛ ደረጃ ከፍ ሲል፣ ባህር ዳር ከተማ በ15 ነጥብ 5ኛ ደረጃ ላይ ተቀምጧል፡፡
በጨዋታው መጠናቀቂያ ደቂቃ ላይ የኢትዮጵያ ቡና ግብ ጠባቂ ለአለም ብርሃኑ ከሳጥን ውጪ ኳስ በእጅ መንካቱን ተከትሎ በቀይ ካርድ ከሜዳ ተሰናብቷል፡፡
የቤትኪንግ የኢዮትጵያ ፕሪምየር ሊግ ጨዋዎች ነገም ቀጥለው ሲደረጉ፤ ረፋድ 4፡00 ቅዱስ ጊዮርጊስ ከሲዳማ ቡና በ9፡00 ደግሞ ሰበታ ከተማ ከሃዲያ ሆሳዕና ይጫወታሉ፡፡
(በመሰረት ተስፋዬ)