ጠቅላይ ሚኒስትር ዐቢይ የተካፈሉበት የካፍ ወዳጅነት የእግር ኳስ ጨዋታ ተካሄደ

ጥቅምት 11/2017 (አዲስ ዋልታ) ጠቅላይ ሚኒስትር ዐቢይ አሕመድ (ዶ/ር) የተካፈሉበት የካፍ ወዳጅነት የእግር ኳስ ጨዋታ በአዲስ አበባ ስታዲየም ተካሄደ።

በኢትዮጵያ የቀድሞ ተጫዋቾች እና የካፍ አመራሮችና የቀድሞ የአፍሪካ ተጫዋቾች መካከል የተካሄደው ጨዋታ ከካፍ 46ኛ መደበኛ ጠቅላላ ጉባኤ ጎን ለጎን ነው።

ጠቅላይ ሚኒስትር ዐቢይ አሕመድን ጨምሮ አዳነ ግርማ፣ ሳለዲን ሰኢድ፣ ፍቅሩ ተፈራ፣ ጄጄ ኦኮቻ እና ሌሎች ከቀድሞ የኢትዮጵያ ብሄራዊ ቡድን በኩል ተሰልፈዋል።

በካፍ አመራሮችና የቀድሞ የአፍሪካ ተጫዋቾች ቡድን በኩል ደግሞ ሳሙኤል ኤቶ፣ አልሀጂ ዲዩፍ እና ካሉ ቡዋሊያ ተካፍለዋል።

በአክሊሉ ማሬ