ህዝባዊ የድጋፍ ሠልፍ በአዲስ አበባ ከተማ በመካሄድ ላይ ይገኛል

ከ1 ነጥብ 5 ሚሊየን ህዝብ በላይ ከ11ዱ ክፍለ ከተማ በድጋፋ ሠልፍ ላይ ይሳተፋሉ ተብሏል።

የድጋፍ ሠልፍ ህዝቡ ከመከላከያ ሠራዊት ጎን መቆሙን ለመግለፅ እና ሁለተኛ ዙር የህዳሴ ግድብ ሙሌት በሠላም መጠናቀቁ የፈጠረባቸውን የደስታ ስሜት ለማሳየት የሚደረግ መሆኑ ተመላክቷል።

የታላቁ ህዳሴ ግድብን እንደጀመርን ያለማንም ጣልቃ ገብነት እናጠናቅቀዋለን፣ የትግራይ ህዝብ አካላችን አሸባሪው ጁንታ ጠላታችን፣ የመከላከያ ሠራዊታችን የሉአላዊነታችን ምልክት ነው ኢትዮጵያ ታሸንፋለች የሚሉ እና ሌሎች ሀገራዊ ስሜትን የሚገልፁ መፈክሮችን በመያዝ ህዝቡ ድጋፋን በመግለፅ ላይ ይገኛል።

(በድልአብ ለማ)