ለመጭው መኸር የሚያገለግል 7 ሚሊየን ኩንታል ማዳበሪያ ለአርሶ አደሩ እንዲደርስ እየተደረገ ነው- የአማራ ግብርና ቢሮ

ለምርት ወቅቱ ከሚያስፈልገው ማዳበሪያ ውስጥ እስካሁን 2 ነጥብ 2 ሚሊየን ኩንታሉ ተጓጉዞ ወደ ክልሉ መግባቱን ተናግረዋል።

ወደ ክልሉ ከገባው ማዳበሪያ ውስጥ 1 ነጥብ 5 ሚሊየን ኩንታሉ በህብረት ስራ ማህበራት አማካኝነት ለአርሶ አደሩ እየደረሰ መሆኑን ገልፀዋል።

ማዳበሪያው የክረምት ወቅቱ ከመግባቱ በፊት የመንገድ አማራጭ በሌለባቸው አስቸጋሪ በሆኑ አካባቢዎችና ቀድመው ሰብል በሚያለሙ አካባቢዎች ቅድሚያ ተሰጥቶ እየተሰራጨ መሆኑን አመልክተዋል።

ቀሪውን ማዳበሪያ እስከ ሰኔ 15 ቀን 2013 ዓም ሙሉ በሙሉ ለማስገባት እየተሰራ መሆኑን ተናግረዋል።

ባለፈው ዓመት 6 ነጥብ 1 ሚሊየን ኩንታል ማዳበሪያ ወደ ክልሉ ገብቶ ጥቅም ላይ መዋሉን ከቢሮው የተገኘ መረጃ ያመለክታል።