ለጠ/ሚ ዐቢይ አህመድ 3ኛ አመት በዓለሲመት የእንኳን አደረሰዎት ሽልማት ሊበረከትላቸው ነው

የካቲት 12/ 2013 (ዋልታ) – ለጠቅላይ ሚኒስትር ዶ/ር ዐብይ አህመድ ሶስተኛ አመት በዓለሲመት የእንኳን አደረስዎ ሽልማት ሊበረከትላቸው ነው።

ጠቅላይ ሚኒስትሩ የተሾሙበትን ሶስተኛ አመት ምክንያት በማድረግ የተዘጋጀው ሽልማት ዶ/ር ዐብይ ወጣቶች እንዲያመሰግኑም ጭምር የታቀደ መርሃ ግብር መሆኑ ተገልጿል።

የኖቤል የሰላም ሽልማት አሸናፊ የሆኑት ጠቅላይ ሚኒስትሩ ሽልማቱ የሚበረከትላቸው ለሀገራችን ላበረከቱት የሰላምና የአንድነት በጎ ሥራ ነው ተብሏል።

“ጎህ 2013 የሰላም እና የአንድነት ሽልማት” የሚል ስያሜ የተሰጠው ይሄ ሽልማት በሰላምና አንድነት ዙርያ መልካም የሰሩ ግለሰቦች፣ ቡድኖች፣ ማህበራት፣ ሽማግሌዎች ወጣቶችና ህፃናት የሚሸለሙበት ነው።

ሽልማቱን ኢስት አፍሪካ ኢንተርቴይመንትና ኢቨንት ከሰላም ሚንስትር ጋር በመተባበር ነው ያዘጋጁት ሲል ኢፕድ ዘግቧል።