የኢትዮጵያን ሕዝብ በመጨፍጨፍ ከዓላማው ማሰናከል እንደማይቻል ታሪክ ምስክር ነው – ፕሮፌሰር ሹመት ሲሻኝ የታሪክ ተመራ

ድርጊቱን በቅርቡ በጽንፈኛው የህወሓት ቡድን የተቀነባበረውን የማይካድራው የዘር ጭፍጨፋም ከየካቲት 12ቱ ጭፍጨፋ ጋር በዓላማ ደረጃ ያላቸውን ተመሳሳይነት እንዳለው የጠቆሙት ፕሮፌሰር ሹመት ፣ እነዚህ ሁለት ድርጊቶች ያነገቡትን ዓላማ ያላሳኩ እና ውጤታቸውም ከታሰበው በተቃራኒ መሆኑን ገልጸዋል።

የየካቲት 12ቱ ጭፍጨፋ ዋነኛ ዓላማ ሕዝቡን ለማስፈራራትና ትግሉን ያስቀጥላሉ ተብለው የታመነባቸው ክፍሎች በማጥፋት የጣሊያንን ተቀባይነት ለማረጋገጥ እንዲሁም የኢትዮጵያውያንን ትግል ጨርሶ ለማዳፈን ያለመ መሆኑን ጠቁመዋል ፕሮፌሰር ሹመት፡፡

በተመሳሳይ መታወቂያ እና ቋንቋ እየተለየ ዜጎች የተጨፈጨፉበት የማይካድራው ጥቃት በተጨፍጫፊው ሕዝብ ዘንድ ፍርሃትና ሽብር በመፍጠር ድሉን ለመንጠቅ የተደረገ ጥረት መሆኑን አመልክተዋል።

ከምንም በላይ ሁለቱም ክስተቶች አንድ የሚያደርጋቸው ደግሞ ሕዝብ በማንነቱ ተለይቶ የተገደለባቸው ሁነቶች ከመሆናቸውም በተጨማሪ ሁለቱ ዘግናኝ ጭፍጨፋዎች የመነጩት ከፈጻሚዎቹ ተስፋ የመቁረጥ ስሜት ነው ብለዋል ሲል ኢፕድ ዘግቧል።