የጁንታውን ኃይል ለመያዝና ለህግ ለማቅረብ ሠራዊቱ እረፍት የሌለው አሰሳ እያደረገ ነው – ኮ/ል አማረ ሞላ

እየተደረገ ባለው ያልተቋረጠ አሰሳ በርካታ የጁንታው ጠባቂ ታጣቂዎች እጃቸውን እየሰጡ እንደሆነም ክ/ጦር አዛዡ አስታውቀዋል። ቀሪ የጁንታውን አባላት ከገቡበት ጉድጓድ አውጥቶ ለፍርድ ለማቅረብና ለመደምሰስ የሰራዊቱ ተነሳሽነትና ጀግንነት እንደተጠበቀ ነው ብለዋል።

የ3ኛ ብርጌድ አዛዥ ኮሎኔል አልታሰብ መንግስቴ በበኩላቸው፣ ተወንጫፊ ሮኬቶችን ጨምሮ በርካታ የመሳሪያ ክምችት ያለባቸው ዲፖዎችንና መሳሪያ ጎታች ተሽከርካሪዎች እንዲሁም ሌሎች በርካታ ተሽከርካሪዎች በየጫካውና በየሸጡ መገኘታቸውን አረጋግጠዋል።

እጅ አልሰጥም ያለውን ታጣቂ መምታት፣ ዋናውን የጁንታ ሃይል ለህግ ማቅረብ እንዲሁም ጠላት ሲጠቀምባቸው የነበሩና ሊጠቀምባቸው ያሸሻቸውን ንብረቶች መሰብሰብ እንዲሁም በጠላት ፕሮፖጋንዳ አካባቢውን ለቆ የወጣውን ህዝብ ወደ ቀየው እንዲመለስ ምቹ ሁኔታ የመፍጠር ስራ እኃከናወነ መሆኑን አብራርተዋል።
(ምንጭ፡- የኢፌዴሪ መከላከያ ሚኒስቴር)