አምባሳደር ይበልጣል አዕምሮ በሱዳን ከፈረንሳይ፣ ህንድ እና ጃፓን አምባሳደሮች ጋር ተወያዩ

ግንቦት 26/2013 (ዋልታ) – በሱዳን የኢፌዴሪ አምባሳደር ይበልጣል አዕምሮ በሱዳን ከፈረንሳይ አምባሳደር ኢማኑኤሌ ብላትማን፣ ከህንድ አምባሳደር ራቪንድራ ፕራሳድ እና ከጃፓን አምባሳደር ታካሺ ሃቶሪ ጋር በወቅታዊ የአገሪቱ እና ቀጠናዊ ጉዳዮች ውይይት አድርገዋል፡፡

አምባሳደር ይበልጣል በትግራይ ክልል ያለውን ወቅታዊ ሁኔታ፣ ስድስተኛውን ሀገራዊ ምርጫ በተመለከተ እየተደረገ ስላለው ዝግጅት ገለጻ አድርገዋል።

በተጨማሪም ስለታላቁ የኢትዮጵያ ሕዳሴ ግድብ እና የኢትዮ-ሱዳን ድንበር ጉዳይ የኢትዮጵያን አቋም ማስረዳታቸውን ከሱዳን የኢትዮጵያ ኤምባሲ የተገኘው መረጃ ያመለክታል፡፡