ዳሽን ባንክ ማህበራዊ ኃላፊነቱን ለመወጣት የሚያከናውናቸውን ተግባራት አጠናክሮ እንደሚቀጥል ገለጸ

የባንኩ ዋና ሥራ አስፈፃሚ አቶ አስፋው አለሙ እንዳሉት፤ ባንኩ በየዓመቱ ከሚያገኘው ትርፍ ለኅብረተሰቡ ጠቀሜታ ያላቸውን ተቋማትና ግለሰቦችን ሲደግፍ ቆይቷል።

ባንኩ ለገበታ ለአገር 30 ሚሊዮን ብር እንዲሁም ለገበታ ለሸገር ደግሞ 10 ሚሊዮን ብር ድጋፍ ማድረጉን በማሳያነት ገልጸዋል።

ኢዜአ እንደዘገበው በተጨማሪም ለኩላሊት እና ልብ ህሙማን ድጋፍ ማድረጉን የጠቆሙት አቶ አስፋው፤ “በቀጣይም ዳሽን ባንክ ማህበራዊ ኃላፊነቱን ለመወጣት የሚያከናውናቸውን ተግባራት አጠናክሮ ይቀጥላል” ብለዋል።

ባንኩ አዳዲስ ቴክኖሎጂዎችን ወደስራ ለማስገባትና በአፍሪካ ቀዳሚ ከሆኑ ባንኮች ተርታ ለመሰለፍ እየሰራ እንደሚገኝ ተናግረዋል።

ዳሸን ባንክ ከ450 በላይ በሆኑ ቅርንጫፎች አገልግሎት እየሰጠ ሲሆን ከ2 ነጥብ 5 ሚሊዮን የሚልቁ ደንበኞችን ማፍራቱም ገልጿል፡፡