የአድዋ ድል በዓል በደቡብ ክልል በድምቀት እየተከበረ ነው

በአሉን የምናከብረው እንዲሁ ሠማአታቱን ለመዘከር ብቻ ሳይሆን የድሉን ተምሳሌት ወስደን በዛሬው ኑሮአችንም የሚያጋጥሙንን ችግሮች ለማሸነፍ የምንጠቀምበት ሊሆን ይገባልም ሲሉ አክለዋል።

የወላይታ ዞን አስተዳዳሪ ዶ/ር እንድሪያስ ጌታ በበኩላቸው አድዋ የኢትዮጵያ ሕዝብ ጀግንነት እና አልበገር ባይነትን የሚያሳይ የህዝቦች አንድነት ያመጣው አኩሪ ታሪካችን ነው ብለዋል።

በዓሉ በደቡብ ክልል ደረጃ የታታሪነት እና የህብረብሔራዊነት መገለጫ በሆነችው የወላይታ ሶዶ ከተማ መከበሩ አንድም ቀን በኢትዮጵያዊነቱ ለማይደራደረው የወላይታ ህዝብ ደስታን ፈጥሮአል ሲሉ የገለፁት የዞኑ አስተዳደሪ በአድዋ ጦርነት የወላይታ ህዝብም መስዋትነት መክፈሉንም ጠቁመዋል፡፡

ዛሬም በሀገር ጉዳይ አድነታችንን አጠናክረን ከየትኛውም ችግር ልናላቅቃት እንደ አድዋ ሁሉ ያለምንም ልዩነት ልንረባረብ ይገባልም ሲሉ አሳስበዋል።

በዓሉ በተለያዩ ኪነ ጥበባዊ መሠናዶዎች ደምቆ እየተከበረ ሲሆን የበዓሉን ታሪካዊ ዳራ የሚዘክር ጥናታዊ ፅሁፍም ቀርቦአል።

(በድልአብ ለማ)