125ኛው የአድዋ የድል በዓል በኦሮሚያ ክልላዊ መንግስት አዘጋጅነት እየተከበረ ነው

የባህልና ቱሪዝም ሚኒስትሯ ሂሩት ካሳው በመክፍቻ ንግግራቸው የአድዋ ድል ለመላው ጥቀር ህዝቦች ኩራትና የነፃነት አርማ መሆኑን ገልጸው፣ ለፀባችን መንስኤ የሆኑ ችግሮቻችንን በሰላማዊ መንገድ ተነጋግረን መፍታት ይኖርብናል ብለዋል፡፡ ከአድዋ አንድነትና ትብብርን ልንማር ይገባል ሲሉም አክለዋል።

የአድዋን የስኬት ታሪካችንን ማወቅ፣ መውረስና ለትውልድ ማሻገር ይኖርብናል ያሉት ዶ/ር ሂሩት፣ ስኬቱን እንደ አባይ ግድብ ባሉ ትብብር በሚጠይቁ የልማት ፕሮጀክቶች ላይ መድገም ይኖርብናል ሲሉም ተናግረዋል።

የኦሮሚያ ክልላዊ መንግስት ፕሬዝዳነት አቶ ሽመልስ አብዲሳ በበኩላቸው፣ ኢትዮጵያዊነት ስጦታ ሳይሆን ዋጋ ተከፍሎበት፣ ተለፍቶበት ኢንዲሁም አጥንትና ደም የተከፈለበት በመስዋትነት የተገነባ ማንነት ነው ሲሉ አብራርተዋል፡፡

አዲሱ ትውልድ በኢኮኖሚ የበለፀገች እና ሁሉም ብሄር ብሄረሰብ በነፃነት የሚኖርባት ኢትዮጵያን በመገንባት የራሱን አድዋ ሊደግም እንደሚገባም አቶ ሽመልስ አሳስበዋል፡፡
(በትዕግስት ዘላለም)